Premium sınıf sinema salonu “CineMastercard”, Amburan Mall AVM’de (Bilgəh qəsəbəsi) yerləşən açıq hava məkanında yay mövsümünün təntənəli açılışı və Amerika istehsalı olan “Bad Boys: Ride or Die” filminin öncədən nümayişi baş tutdu. Film, “Bad Boys” franşizasının dördüncü hissəsi olub, 2020-ci ildə nümayiş olunan “Bad Boys for Life” filminin davamıdır.

Franşizanın ilk filmi 1995-ci ildə ekranlara çıxıb və o vaxtdan bəri komediya-aksiya janrının klassikləri arasında öz yerini alıb.

Baş rollarda yenidən Will Smith və Martin Lawrence çıxış edirlər.

Filmin rejissorları Adil El Arbi və Bilall Fallahdır.

Filmin qısa məzmunu: Bir gün xəbərlərdə vəfat etmiş kapitan Conrad Howard haqqında ciddi bir korrupsiya və narkotik kartelləri ilə əlaqə ittihamı yayımlanır. Ancaq ölümündən əvvəl çəkilmiş bir videoda bu ittihamların yalan olduğu üzə çıxır və Howard öz qatilini tapmağı və ləkələnmiş adını təmizləməyi xahiş edir. Detektiv dostları bu çağırışa cavab verməyə hazırdır, lakin özləri də ciddi bir vəziyyətə düşürlər.

Öncədən nümayişə şou-biznes ulduzları, jurnalistlər, bloqqerlər, sahibkarlar və iri təşkilat rəhbərləri qatılıb.

Polis geyimində çıxış edən rəqs qrupu və DJ tərəfindən təşkil olunan işıq şousu axşama xüsusi bir ab-hava qatdı.

Tədbirin təşkilində FRYDAY Burgers & Fries restoranı, Light in Black kreativ foto və video şirkəti, Carlsberg Azerbaijan və “Чёткая” Organic vodka dəstək oldular.

“CineMastercard” kinoteatrı hər zaman sizi dünyanın ən yaxşı premyeraları ilə sevindirməyə və xoş sürprizlər təqdim etməyə hazırdır.